A Agrupación Musical de Vincios ofrecerá na mañá do venres 9 de agosto unha xornada musical con carácter social na que participarán rapaces con diversidade funcional do Centro Juan María e da Residencia O Salgueiro, ubicada na parroquia de Vincios e pertencente á Asociación Autismo Vigo.
Esta acción, de carácter didáctico, fomenta os valores propios da Agrupación Musical de Vincios, que concibe a música coma ferramenta integradora, social ademáis de motor cultural.