A Asociación Raiceiras – Acción Rural sairá á rúa cun posto informativo e reivindicativo este mércores 28 de xuño, día do Orgullo LGTBIQA+.
A ubicación do mesmo será na Praza Avelino Vicente (As de Copas) da Guarda a partir das 10:30 da mañá. O equipo informará a toda persoa interesada que se achegue, repartirá materiais de prevención e levará a cabo accións de dinamización con algunha sorpresa incluída.
Convidan a toda a cidadanía do Baixo Miño a que se achegue para coñecer mellor ó seu equipo e labor nesta zona.