A Aula CeMIT da Guarda organiza novos cursos de informática de balde para todas as idades para os meses de setembro, outubro, novembro e decembro.
Todas aquelas persoas que estean interesadas poden formalizar dende xa a súa inscrición, para facer os grupos e o reparto de horarios.
As inscricións están abertas no Concello ou no Centro Cultural(1º andar), chamando ao 986 611850 ou no enderezo electrónico cemit.aguarda@xunta.gal.
Ata fin de ano ofértanse un total de 9 cursos que se realizarán en función da demanda de prazas para os mesmos, destacando o de Informática para nen@s, mecanografía, redes sociais para maiores, administración electrónica ou o de informática para adultos.
Todos os cursos son de balde, destacando tamén que a Aula CeMIT da Guarda dispón de conexión aberta a internet para facer consultas.