As actividades deportivas incluídas no programa “Deporte para todas as persoas” levado a cabo pola Eurocidade Tomiño-Cerveira, aínda teñen prazas dispoñibles en varias modalidades.
Trátase en primeiro lugar, de “Piscina en familia”: todos os primeiros sábados de mes, ás 19.00h (hora galega), na piscina de Vila Nova de Cerveira.
Por outra banda, as “Actividades deportivas para maiores de 55 anos”, con sesións todos os martes e xoves ás 10:00 horas (aínda quedan prazas libres). Os martes, no Pavillón de Cerveira, e os xoves, na asociación Vontade de Tomiño.
Por último o programa comprende tamén Clases de Pilates, Ximnasia, Zumba, Fitness e actividades afíns, os xoves e venres ás 11.30 horas, na Casa da Cultura de Tomiño (aínda quedan prazas libres).
Para máis información e inscrición, as persoas interesadas poden chamar ao teléfono de atención do programa (986 18 45 98).
