A maxia de Pexegueiro
A maxia de Pexegueiro

«El extraño mundo de la magia de Pexegueiro”, da Asociación Entroido de Pexegueiro, foi a gañadora no Desfile-Concurso de Entroido celebrado esta tarde en Tui. Cunha alegoría do mundo máxico de fadas, duendes e outros seres que loitan por unha pócima amorosa fixéronse co primeiro premio do Entroido. Tamén foron os gañadores o primeiro premio en acompañamento musical e do segundo en carrozas.

Miles de persoas ateigaron esta tarde as rúas de Tui para presenciar o Desfile-Concurso de Entroido.

O segundo  premio do Entroido tudense foi para a recreación da película Shrek “O Mundo de Shrek” realizada pola Asociación En Loureiro Como Sempre de Salceda.  O terceiro premio recaeu en “O circo de Tui” da Asociación Cultural Lembranzas da Terra de Guillarei cunha parodia entre a política local e o circo.  O cuarto posto foi para “Máis que unha feira” da Asociación cultural e recreativa “Arume” de Malvas cunha parodia da chegada a Tui cos cachivaches e as eleccións municipais. O quinto lugar foi para “Borralliño-Soutelo” de Salceda con súa proposta baseada na cultura oriental, o sexto premio correspondeu a “Luces” de Tomiño cunha comparsa inspirada no musical do Rei León, e o sétimo correspondeu a “Trazos Festival” de Redondela.

A carroza do Mundo Mundo de Shrek gañou o primeiro premio en carrozas, seguida de ”El extraño mundo de la magia de Pexegueiro”, que foi segunda, e da carroza de Luces de Tomiño que foi terceira seguida. O cuarto posto correspondeu ao Borralliño de Soutelo, de Salceda, quinta en carrozas foi Trazos Festival de Redondela, e sexta Máis que unha Feira de Malvas.

En acompañamento musical con música en directo os premios foron para “El extraño mundo de la magia de Pexegueiro”, “O circo de Tui” e “Máis que unha feira”.  Por último en Fantasía o premio foi para a comparsas “Vinciocas” da Asociación de Veciños Galiñeiro de Vincios, Gondomar, pola súa recreación da película Gnomeo e Xulieta.

O Entroido despedirase en Tui o próximo domingo, 24 de marzo, ás 19.30 h co Enterro do Bacallau que sairá  dende a Praza de San Fernando.

 Gañadores Absolutos:

  1. EL EXTRAÑO MUNDO DE LA MAGIA DE PEXEGUEIRO     
  2. O MUNDO DE SHREK          
  3. O CIRCO DE TUI       
  4. MÁIS QUE UNHA FEIRA
  5. COMPARSA O BORRALLIÑO-SOUTELO      
  6. COMPARSA LUCES DE TOMIÑO
  7. TRAZOS FESTIVAL    

Gañadores Carrozas

  1. O MUNDO DE SHREK          
  2. EL EXTRAÑO MUNDO DE LA MAGIA DE PEXEGUEIRO     
  3. COMPARSA LUCES DE TOMIÑO
  4. COMPARSA O BORRALLIÑO-SOUTELO      
  5. TRAZOS FESTIVAL
  6. MÁIS QUE UNHA FEIRA      

Gañadores Acompañamento Musical

  1. EL EXTRAÑO MUNDO DE LA MAGIA DE PEXEGUEIRO     
  2. O CIRCO DE TUI       
  3. MÁIS QUE UNHA FEIRA      

Gañadores Fantasía

  1. VINCIOCAS    
« 1 de 15 »