«Deporte Escolas» é un programa deportivo gratuíto da Deputación de Pontevedra en colaboración e coordinación coas federacións deportivas para contribuír ao desenvolvemento e fomento da actividade deportiva en idade escolar.

Formalización da inscrición

A solicitude de inscrición deberá realizarse preferentemente por medios electrónicos a través do formulario normalizado dispoñible na sede electrónica da Deputación de Pontevedra.

Para a presentación da inscrición, a sede electrónica da Deputación de Pontevedra admite os certificados electrónicos do sistema Cl@ve, que contempla a utilización de sistemas de identificación baseados en claves concertadas (sistemas de usuario e contrasinal) e certificados electrónicos (incluído o DNIe).

Opcionalmente, poderá presentarse a inscrición de forma presencial en calquera dos lugares e rexistros establecidos na normativa reguladora do procedemento administrativo común, por exemplo ORAL.

Prazo de presentación de solicitudes

Abriranse dous prazos para a presentación de solicitudes:

  • o prazo: do 16 ao 30 de setembro de 2019.
  • o prazo: do 4 de novembro de 2019 ao 13 de xaneiro de 2020.

Unha vez finalizado o prazo de inscrición poderanse consultar as listas na páxina web Deporte Escolas.

Modalidades Deporte Escolas na Guarda

  • Baloncesto – no IES A Sangriña – os mércores de 16:00 a 18:00 horas.
  • Patinaxe – no Pavillón do CEIP Manuel Rodríguez Sinde.

Luns, de 17:00 a 18:00 horas (nados no 2009 ao 2014).
Luns, de 18:00 a 19:00 horas (nados no 2003 ao 2008).

  • Atletismo – No Pavillón do CEIP Manuel Rodríguez Sinde – os venres de 16:30 a 18:00 horas.

Máis información na OMIX do Concello da Guarda no 986 610 000 ext.7 ou no enderezo electrónico informacion@aguarda.es.