O Concello de Tui publica o listado de admitidos/as no Campamento de Verán de Tui 2019, no que todos/as as/os inscritos/as están admitidos/as.

Así mesmo, o Concello de Tui abre un novo prazo de inscrición, dado que aínda quedan prazas dispoñibles para as dúas quendas.

Dende hoxe martes 25, ata o remate do prazo de abono da taxa do campamento, o mércores 3 de xullo, poderanse realizar inscricións ata completar as prazas dispoñibles e por rigoroso orde de presentación de solicitudes no rexistro do Concello de Tui, en horario dende as 9:00 a 14:00 horas.

Tras a súa inscrición no rexistro, deberán aboar a taxa do campamento, 30.56€ por quenda e participante, na tesourería do concello.