A subdelegada do Goberno en Pontevedra, Maica Larriba, repasou hoxe co xefe da comandancia da Garda Civil, Tenente Coronel Manuel Touceda e o alcalde de A Guarda, Antonio Lomba, o operativo de seguridade cidadán despregado nas últimas datas na vila.
A coordinación entre a Garda Civil e a Policía Local serviu para reforzar a presenza de patrullas na vila ante un lixeiro incremento de pequenos furtos en establecementos comerciais rexistrados nos últimos meses.
Larriba, Touceda e Lomba, nun encontro celebrado no cuartel da Garda Civil, subliñaron que a tranquilidade e seguridade regresaron á vila pola coordinación entre os corpos de seguridade para unha maior presenza nas rúas. “A presenza das patrullas a pé e en coche no casco urbano de A Guarda sirve de persuasión para os pequenos delincuentes e transmite unha maior seguridade aos comerciantes e a toda a cidadanía da localidade”.
A subdelegada do Goberno e o alcalde quixeron transmitir o agradecemento á Garda Civil polo esforzo que está a facer co reforzamento das patrullas que está a servir para loitar contra estes pequenos furtos na localidade.
Ao mesmo tempo, Maica Larriba quixo recordar que A Guarda é un pobo tranquilo e seguro a pesar da alarma social que se pode producir nun momento determinado por una pequena acumulación de feitos delituosos “algo que ocorre en moitas vilas da provincia e que, en moitos casos, veñen ligados ao consumo de estupefacientes”, concluíu a subdelegada.