A Asociación Érguete Baixo Miño convoca un curso gratuíto “Empoderamiento e liderazgo, marcando o teu rumbo” dirixido preferentemente á mocidade dentro do Programa Conectadas en colaboración coa Deputación de Pontevedra.

Entre os obxectivos desta actividade destacan:

  • Empoderar a nivel persoal para ocupar posicións de liderado.
  • Amosar técnicas e actividades de autocoidado para incrementar a autoestima.
  • Fomentar e favorecer perfís de liderado entre as mulleres.
  • Sensibilizar acerca da igualdade de oportunidades entre mulleres e homes.

Esta actividade será impartida por Sara Uris que conta cunha longa traxectoria neste eido na comunidade.

Prevese que dará comezo durante o mes de agosto en horario de mañá, previsiblemente de 11:00 a 13:30 horas durante dous días á semana que aínda están por concretar, contando cunha duración de 35 horas e se impartirá no local social da Asociación.

As persoas interesadas poden inscribirse por WhatsApp no 640 086 376 deixando nome e apelidos, nº de DNI e data de nacemento.