Este ano, coincidindo coas festas de Nadal, e sendo unha vella petición dos veciños que non podían achegarse durante o verán, ábrese a tradicional exposición “Salcidos En Blanco y Negro”, que este ano chega a súa VI edición, e que ven precedida da exitosa presentación do segundo libro, que sigue estando dispoñible nos lugares de distribución: Altamar, Tenda do Cruceiro Pinto, Barbeiro do Curuto e Recreo Artístico Guardés, os que agradecemos a súa desinteresada participación.
Será una ano máis punto de encontro e visita obrigada, tanto dos veciños da parroquia como daqueles que teñen nela as súas raíces, ou queren recordar vellos tempos facendo un percorrido amplo e detallado das Xentes de Salcidos da primeira metade do século pasado. A mostra conta con máis de 600 fotografías, todas elas en gran formato para permitir apreciar os seus protagonistas, incluíndo moitas delas pés de páxina onde se reflicten moitos datos sobre as fotos.
Este ano, e gracias a importante colabora de Jorge Martínez Baz, artista local, Pepe Buraco e de Vitoriano de Saladina volveremos desfrutar dun especial das telleiras, con interesantes fotos e ferramenta dun oficio itinerante ancestral que posiblemente tivo a súa orixe na nosa parroquia, algo que sempre nos gustou por en valor.
O lugar da exposición, coma todos os anos, será o Salón Parroquial de Salcidos e estará aberta os día 30 de 5 a 8:00, o 31 de mañá, entre as 10:00 e as 13:00 horas, onde se realizará a gravación dun programa para a A revista da TVG. Xa en xaneiro os días 2, 3 e 4 de 17:00 a 20:00 horas e o 5 de xaneiro de 10:00 a 13:00 horas.
Ademais de desfrutar das imaxes estarán dispoñibles para a súa adquisición os dous libros editados co material recollido os últimos anos, e que se presentou, o último deles, fai pouco mais de 15 días no mesmo lugar da exposición.