Seguindo co programa de xeiras do verán do IEM este mércores día 21, realizarán un paseo pola historia e patrimonio de Baiona, nesta ocasión O Monte Real ou Monte do Boi, fortaleza na que na actualidade está o Parador de Turismo Conde de Gondomar.
Da man de Anxo Rodríguez Lemos, da sección de historia do IEM, cronista oficial de Baiona, doutor en historia contemporánea pola USC, representarase as orixes e os avatares da historia deste lugar senlleiro de Baiona e do Val de Miñor.
A saída e punto de encontro é as 18:00 horas na entrada do Parador. Non fai falla anotarse. Basta con estar alí a hora indicada e no punto de encontro.