A Entidade Local Menor de Camposancos, co apoio do grupo de veciños de todos os anos, celebra o día da muller proxectando en madeira escenas da muller cotiá de onte.

Estas escenas estarán instaladas no Palomar, na fonte e no pequeno parque situado preto do casino de Camposancos.

O seu lema este ano será “a todas as mulleres que en silencio construíron a historia”.

Novamente a Entidade Local Menor de Camposancos e o grupo de veciños poñen por diante «a invisibilidade da muller nos tempos das nosas nais e avoas e a visibilidade que queremos ter da muller de hoxe».

A representación das figuras estará preparada para o goce de visitantes e de quen queira velas a partires do día 6 de marzo.