O Concello de Tui será a sede da Fase Final da Copa División de Honra Xuvenil Masculina de balonmán, que se disputará esta fin de semana no novo pavillón deportivo municipal, organizado pola Federación Galega de Balonmán, en colaboración co Concello de Tui, co Deporte Galego da Xunta de Galicia e coa Deputación de Pontevedra.

Na mañá do sábado 25 disputaranse as semifinais, nas que se enfrontarán ás 10.30 horas aos equipos do Cisne Colexio Los Sauces e ao Seis do Nadal, e ás 12.30 horas ao Laber Xiria contra o equipo anfitrión do Club Balonmán Tui.

O domingo 26, celebrarase a final, ás 12.30 horas, tamén no pavillón deportivo municipal novo.