A Deputación de Pontevedra presentará este mércores, ás 13:00 horas, o libro “María Vinyals. Un talento rebelde” no IES Primeiro de Marzo de Baiona ante 54 rapaces e rapazas de 1º da ESO.
O obxectivo deste acto é dar a coñecer a historia de María Vinyals e levar o seu legado a prol da igualdade aos centros educativos da provincia.
A obra está escrita por Isabel Blanco, ilustrada por Luz Beloso, editada pola editorial Belagua, e conta co asesoramento histórico de Silvia Cernadas. A Deputación colaborou na edición e impresión da primeira edición, da que saíron 1.500 exemplares, que se están a distribuír integramente nos centros educativos, mentres que as próximas edicións que se fagan xa se comercializarán.