Unha aposta de futuro. Iso é o equipo co que o BNG de Tomiño quere renovar o apoio dos tomiñeses e tomiñesas, logo de 12 anos transformando en positivo a vida da vila a través dun proxecto integral no que os servizos públicos, a renovación urbana e o dinamismo económico e social son eixo vertebrador.
E para seguir traballando nese proxecto de futuro e facer que Tomiño siga sendo referente en política municipal, a candidata nacionalista á Alcaldía e actual alcaldesa, Sandra González, apostou por un equipo que combina a experiencia das persoas máis veteranas co aire fresco de novas incorporacións de mozos e mozas de Tomiño.
Un grupo de xente comprometida coas persoas de Tomiño, con coñecemento, ganas e motivación para seguir transformando o concello porque “quedan moitos proxectos e ideas que executar. O mellor aínda está por vir”. A candidatura está conformada por:
- Sandra González Álvarez
- Uxío Benítez Fernández
- Cristina Martínez Souto
- Lois Vázquez Calvo
- Alexandre Pérez Souto
- Ana Isabel Fernández Carrera
- Ismael Troncoso Martínez
- Francisco Campo Lago
- Manuel Álvarez González
- Ana Belén Casaleiro González
- Fátima Rodríguez González
- María Xosé Vázquez Rodríguez
- Santos Rodríguez Ozores
- Agustín González Rodríguez
- Noel Claro Portas
- Ramón Carneiro Valverde
- Marisa Hombre Eiras
- Miguel Diz Álvarez
- Carla Alonso Ozores
- Rubén García Filgueiras
- Olga Orduña Pereira
- Christian Villaverde da Cruz
- César Puertas Calzado
- Charo Lorenzo Crespo
- Loli Montero Martínez
- Suso Montero Villar
- Camilo Riveiro Alonso
Convencidos de que ‘O mellor está por vir’, o BNG de Tomiño está presentando en todas as parroquias un programa no que teñen especial protagonismo tanto a consolidación e finalización de grandes proxectos xa comezados, como a humanización e mellora dos espazos públicos do Seixo, a reconfiguración e mellora dos espazos públicos de Goián ou o remate da Senda do Río Miño entre Goián e Tui. Tamén son de vital importancia todas as actuacións de mellora dos espazos públicos nos núcleos das parroquias así como todas aquelas novas iniciativas que mellorarán o futuro da vila, como a construción da biblioteca ou o centro de iniciativas agrarias.