Conservatorio Municipal de Gondomar

Como tódolos anos, o Conservatorio Municipal de Música de Gondomar celebrará a festividade de Santa Icía, patroa dos músicos, o vindeiro mércores 21 de novembro ás 19:00 horas no Auditorio Lois Tobío.

Desta banda, dedicaralle un monográfico á pianista e compositora Patricia Goberna, exprofesora do conservatorio, que dedicou varias obras ao coro e orquestra do centro.

Para a ocasión, estrearán unha nova peza para esta formación: “Se eu achase a palabra” cun poema da escritora galardoada este ano nas Letras Galegas, María Victoria Romero.

O concerto está inserido na programación do 35 aniversario do conservatorio, organizada pola Concellería de Cultura de Gondomar, dirixida por Nuria Lameiro. A entrada é gratuita ata completar aforo.