Como xa é tradicional no verán o Instituto de Estudos Miñoranos (IEM) organiza unha serie de visitas-guiadas ou Xeiras a distintos lugares de especial interese histórico, artístico, natural e paisaxístico do Val de Miñor e a súa contorna, dirixidos por especialistas no tema da visita. Para esta edición 2015 temos deseñados nove percorridos dos cales dous serán en barco.
*Requisitos para asistir ás Xeiras marítimas.
Reserva de prazas:
- a) Dende o día 1 de xullo de luns a venres, de 18:30 a 21:30 horas no teléfono 986 36 05 75 (Instituto de Estudos Miñoranos).
- b) De lle confirmar a praza, deberán facer o aboamento na conta corrente 2080.5035.07.3040014164 de ABANCA
- c) No “concepto” do depósito debe constar a indicación “B1” ou “B2”, acompañada dos números de viaxeiros que se lle outorgarán na reserva telefónica. Logo deben enviar o comprobante do ingreso ao correo electrónico oficina@minhor.org
- d) IMPORTANTE: de non enviar o comprobante 48 horas antes da saída da Xeira, será eliminada esa reserva
Prezos: Público xeral 15 € / Socios do IEM e menores de 12 anos, 10 €.
Nestas rutas marítimas a organización resérvase o dereito de variar a ruta (dependendo do estado da mar) ou de anular a saída de non acadarse o mínimo de 100 viaxeiros.
*Requisitos para asistir ás Xeiras aos petróglifos do Monte Tetón
As visitas guiadas ao Ecoparque Arqueolóxico do Monte Tetón serán gratuítas máis necesitan de inscrición previa. As mesmas terán lugar dende o día 1 de xullo de luns a venres, de 18:30 a 21:30 horas no teléfono 986 36 05 75 (Instituto de Estudos Miñoranos).