O Rosal, un Concello pequeno en tamaño, pero grande en compromiso contra a Violencia de Xénero

Durante  os meses de outubro e novembro foron moitas as actividades educativas, culturais e de concienciación social programadas polo Concello do Rosal.

Dun xeito especial traballouse cos centros educativos e xente nova do concello, facendo unha aposta pola educación, a formación e a concienciación.

Actividades nos centros educativos:

Beneficiaronse 235 nenos e nenas do concello, coa completa convicción de que é o traballo con eles e elas é o medio para acadar cambios na sociedade.

  • Igualdade con primaria: 71 nenos e nenas con idades entre os 6 e os 8 anos do CRA María Zambrano e do CPI Suárez Marquier.
  • Proxecto Bambú con secundaria: 57 mozos e mozas de 1ºESO.
  • Obradoiros de afectividade e sexualidade: 107 mozos e mozas de 2º e 3º ESO.
  • Exposición “Á Violencia Dille Non”: exposta durante o mes de novembro no CPI.

Exposición Mar Caldas 100% Contigo:

Outra banda importante foi a campaña de visibilización e posta en valor das mulleres do Rosal a través da exposición 100% contigo, que a artista Mar Caldas levou a cabo durante este verán en diferentes espazos e que deu como froito unha exposición na que a muller do Rosal era a auténtica protagonista. 78 mulleres foron fotografiadas, e onte, 25 de novembro foron homenaxeadas nun acto no que se proxectou o video e se entregaron as fotografías.

Exposición “Achega das Mulleres á Sustentabilidade do Mar”:

No Salón de Exposicións do Concello do Rosal entre o 20 de novembro e o 3 de decembro.

II Concurso de Haikus:

Poemas de 3 versos con temática contra a violencia de xénero. Resultaron gañadores Teodosio González na categoría adulto, e Naomi Baz na categoría infantil. Onte 25 de novembro, a alcadesa do Rosal, Mª carmen Alonso Alonso, entregou un ebook como agasallo a cada gañador e volorou á súa capacidade de plasmar nun poema a loita contra a violencia de xénero.

Eu Tomo Partido, E Ti?:

Este ano parte do equipo de Acanor Novás colabora neste proxecto que pretende visibilizar e posicionarse en contra da Violencia de Xénero. 10 persoas entre xogadores e directivos do Acanor Novás de balonmán decláranse abertamente contrarios á violencia exercida contra as mulleres e rexeitan calquera tipo e agresións. Os carteis están expostos  entre o comercio local.

Luces moradas en edificios públicos:

Como en anos anteriores varios edificios estiveron iluminados de morado durante a semana de conmemoración do 25 de novembro.

Cemercio Local Contra a Violencia:

Durante o mes de novembro permanecerán nos seus establecementos os carteis de Eu tomo partido, e ti?.

O Rosal segue traballando e apostando pola formación e a concienciación, non se queda únicamente na data concreta senón no traballo constante ao longo de todo o ano.