O grupo de percusión e música tradicional “O Trebón Dos Xidos” de Goián, actuará hoxe, a partires das 22:00 horas, no programa da TVG, Luar, amosando un anaco da súa música e da súa tradición da man de Pablo Carpintero.
É para todos os compoñentes da asociación un orgullo poder participar nun programa con tantas actuacións de grandes artistas e plataforma de novos talentos. Presentado por Xosé Ramón Gayoso e Inma Morandeira, é un dos programas con máis audiencia en Galicia e máis lonxevos de toda a televisión en España.