Os goianeses Uxía Rodríguez e Charly López do Spartan Team afinan as súas preparacións para desprazarse coa selección galega aos seus respectivos campionatos nacionais de kick boxing e boxeo.
Uxía desprazarase a Guadalajara (Madrid) os días 20,21 e 22 de xullo para competir na modalidade de kick boxing na categoría de -52kg. Xa acostumada a grandes retos a goianesa vai con moitas ganas de conseguir traer este importante título.
Pola súa parte, Charly desprazaráse a Córdoba do 16 ao 22 de xullo para representar a Galicia no que será o seu 1º campionato de España de boxeo para competir na modalidade dos -69kg.
Todo un experimentado e todoterreo dos deportes de contacto que sen dubida dará o máximo para tentar traer ese campionato para o Concello de Tomiño.