Víctor Santos, novo adestrador do Gondomar CF
Víctor Santos

Víctor Santos é o novo adestrador do Gondomar CF trala marcha de César Sánchez. De 47 anos, está afincado en Vigo e procede do CD Boiro, ao que dirixiu a pasada campaña en Terceira División.

Nesa categoría tamén levou ó Negreira, e na Preferente ten experiencia en equipos como o Estudiantil ou Santiago. Ten moito traballo pasado en base, en categorías autonómicas e nacionais, como a División de Honra Xuvenil.

Asume o cambio de categoría e afronta o reto de avaliar proxecto e instalacións. Santos asegura que “tiven a oportunidade de falar con César e despois de ver cómo están saindo as cousas, creo que atoparei un plantel con gañas de gañar xa por primeira vez. Polo que me explicou César o equipo traballa ben e o corpo técnico traballou ben; a miña forma de traballar non será moi diferente, e si, quero ter o balón“.

Sobre a afición afirmou que “traballaremos para que chegue a primeira victoria canto antes, e mellor antes que despois“.