Mañá venres chega ao Porriño o espectáculo teatral “Un día para as letras. Pequena biografía de Francisco Fernández del Riego”. Ante as previsións meteorolóxicas acordouse trasladar a actividade, inicialmente prevista para a Praza Arquitecto Antonio Palacios, ao Círculo Recreativo Cultural.
Esta actividade sobre a vida e obra de Francisco Fernández del Riego está organizada polo Departamento da Lingua da Deputación de Pontevedra e será realizada pola compañía Polo Correo do Vento, contando cos habituais ingredientes deste grupo: a música e a ilustración para explicar de xeito ameno ás crianzas e familias a vida e legado do persoeiro escollido este ano para homenaxear nas Letras Galegas.
