A concellería de Xuventude do Concello de Gondomar, dirixida por Nuria Lameiro, oferta da través do Programa Tecendo Lazos 2018 da Deputación de Pontevedra o obradoiro risa e movemento.
Con este obradoiro entrelázase a risoterapia có movemento. O riso permite enfrontarse aos obstáculos diarios dende perspectivas máis creativas e nos axuda a sentirnos mellor. Así, os días 24,26,27,28,31 de decembro e 2,3,4 de xaneiro en horario de 11:00 a 13:00 horas, o Concello porá en marcha este obradoiro.
Poderán participar todos os interesados que teñan entre 6 e 99 anos. O interese desta actividade é que participen pais/nais; nenos/as, mozos/as, avós/avoas e desfruten dun rato en familia e coa risa por bandeira.
Para poder participar deben cubrir unha solicitude. Poden descargala na páxina Concello de Gondomar ou na OMIX, aportando fotocopia DNI e volante empadroamento e presentar esa documentación no rexistro do Concello de Gondomar.
O prazo para realizar a solicitude vai dende o 20 de novembro ata 10 de decembro do 2018. Solicitude de información na OMIX Gondomar 986.369.746
